വെളിപാടുകള്‍..

ശങ്കര്‍ സംവിധാനം ചെയ്ത 'ഇന്ത്യന്‍ ' എന്ന സിനിമയില്‍ കമലഹാസന്‍ അവതരിപ്പിച്ച ഒരു കിഴവന്‍ കഥാപാത്രമുണ്ട് ...... കാലഘട്ടത്തിനു യോജിക്കാത്ത ആശയവും ആദര്‍ശവുമായി , അത് നടപ്പില്‍ വരുത്താന്‍ മൂര്‍ച്ച കൂട്ടിയ ആയുധവുമായി ഇറങ്ങിത്തിരിച്ച ഒരാള്‍ ........ സിനിമ കണ്ടവര്‍ക്കെല്ലാം പൂര്‍ണമായി യോജിക്കാന്‍ കഴിഞ്ഞില്ലെങ്കിലും അങ്ങനെ ഒരാള്‍ ഉണ്ടായിരുന്നെങ്കിലെന്നു ആഗ്രഹിക്കുന്നവരും ഭയക്കുന്നവരും തീര്‍ച്ചയായും ഉണ്ട് ......... അത്തരം ജനുസ്സില്‍പ്പെട്ട ഉള്ള കിഴവന്‍ കൂടി നമ്മുടെ ഇടയില്‍ ഇപ്പോളുമുണ്ട്..... വിമര്‍ശിക്കുന്നവര്‍ ഉണ്ടാകുമെങ്കിലും ആ കത്തിമുനയില്‍ പിടഞ്ഞവരൊക്കെ അത് അര്‍ഹിക്കുന്നവരാണെന്ന് ആരും രഹസ്യമായെങ്കിലും സമ്മതിക്കും.. സിനിമയില്‍, അഴിമതി കാണിച്ച മകനെപ്പോലും കത്തിക്കിരയാക്കിയവനാണ് കിഴവനെങ്കില്‍ ഇവിടെ സ്വന്തം പ്രസ്ഥാനത്തില്‍ ഉള്ള പുഴുക്കുത്തുകളെയും വെട്ടിനിരത്തുന്നവനാണ് ഈ കിഴവന്‍ ( ഇപ്പോളത്തെ ചെറുപ്പങ്ങളെ അപേക്ഷിച്ചു യന്ഗ് തുര്‍ക് ) സിനിമ കിഴവന്‍ അഴിമതിക്കാരനായ മകനെയും തീര്‍ത്തിട്ട് പോകുന്നിടത്ത് കഥ അവസാനിക്കുന്നങ്കില്‍ ഇവിടെ അത് അങ്ങനെ അവസാനിക്കും എന്ന് തോന്നുന്നില്ല ....

മകരവിളക്ക്‌ കാണാന്‍ പോയ നൂറോളം അയ്യപ്പന്മാര്‍ മരണമടഞ്ഞു ...... കുറ്റം ആരുടെ തലയില്‍ കെട്ടിവക്കണം എന്ന തര്‍ക്കം നടന്നുകൊണ്ടിരിക്കുന്നു .....അതിനിടയില്‍ മകരവിളക്ക്‌ തന്നെ സര്‍ക്കാര്‍ വക പ്രോഗ്രാം ആയതു കൊണ്ട് കുറ്റം സര്‍ക്കരിന്റെതെന്നു ഏകദേശ തീരുമാനം. പിന്നെ ഉപ വകുപ്പുകള്‍ തമ്മില്‍ മത്സരിക്കെണ്ടല്ലോ ..... വീണു കിട്ടിയ നല്ലൊരു വെടിക്കെട്ട്‌ ചര്‍ച്ച മാധ്യമവിശാരദന്മാരും ആഘോഷിച്ചു ....ആരാന്റമ്മക്ക് പ്രാന്ത് വന്നാല്‍ .......... ചര്ച്ചകള് കേട്ടാല്‍ തോന്നും ഈ മകരവിളക്ക്‌ ഒരു പുതിയ കണ്ടുപിടുത്തമാനെന്നു ....വര്‍ഷങ്ങള്‍ക്കു മുന്‍പേ തന്നെ പലരും ഒളിഞ്ഞും തെളിഞ്ഞും പ്രഖ്യാപിച്ചിട്ടുള്ളതാണ് മകര വിളക്കിന്റെ പിന്നിലെ രഹസ്യം ...... മഹാ ബുദ്ധിമാന്മാരായ കേരളീയര്‍ക്ക് ഇതിന്റെ രഹസ്യമൊന്നും പറഞ്ഞു കൊടുക്കാന്‍ മാധ്യമങ്ങളും ബുദ്ധിജീവികളും ഒന്നും സമയം മിനക്കെടുത്തണ്ട .... മകരവിളക്ക്‌ ദിനത്തില്‍ ശബരിമലയില്‍ ഉള്ള മലയാളികളുടെ കണക്കു എടുത്താല്‍ അത് മനസ്സിലാകും. ഉള്ളവര്‍ തന്നെ നാട്ടിലെ അമ്പലങ്ങളില്‍ ദീപാരാധന കണ്ടു നില്‍ക്കുന്നതില്‍ കൂടുതല്‍ ' സംഗതി' കളൊന്നും അതില്‍ കാണാറില്ല. പിന്നെ അന്യ നാട്ടുകാരെ പറ്റിക്ക...

ഉണ്ടോ ....ഒരല്പം പൊള്ളുന്ന വിഷയമാണ്‌ ചോദിക്കാനുള്ളത് ......ചിലപ്പോള്‍ കൈയോ കാലോ തലയോ തന്നെ ഇല്ലാതാകാവുന്ന വിഷയം,,, കാംബസ്സുകളിലേക്ക് ഒന്ന് ശ്രദ്ധിച്ചു നോക്കിയേ ......സമൂഹത്തിലെ തീവ്രമായതെന്തും പ്രതിഫലിപ്പിക്കുന്നത് അവിടെയാണല്ലോ.. കയ്യില്‍ പല നിറത്തിലുള്ള ചരടുകള്‍ ചുറ്റിയ അള്‍ട്രാ മോഡേണ്‍ ചെറുപ്പങ്ങള്‍ ....കണ്ണുകള്‍ മാത്രം പുറത്തു കാണുന്ന വേഷം ധരിച്ച പെന്ഗിന്‍ കൂട്ടങ്ങളെപ്പോലുള്ള പെണ്‍കുട്ടികള്‍....കയ്യിലും കാതിലും കഴുത്തിലും വ്യക്തമായ മത ചിഹ്നങ്ങള്‍ ധരിച്ച വിപ്ലവക്കുരുന്നുകള്‍.....?? ഞങ്ങളുടെ പ്രിയപ്പെട്ട അദ്ധ്യാപിക , പിന്നീടു കൊല്ലം വനിതാ കോളേജ് പ്രിന്‍സിപ്പല്‍ ആയ സുലഭ ടീച്ചര്‍ ഒരിക്കല്‍ എഴുതിയ ലേഖനത്തില് പറഞ്ഞ ഒരു കാര്യം..... " കുറച്ചു കാലം മുന്‍പ് വരെ കോളേജില്‍ കുട്ടികള്‍ മതപരമായ വേഷങ്ങള്‍ ധരിച്ചു വരാറില്ലായിരുന്നു .....എന്നാല്‍ ഇപ്പോള്‍ ക്ലാസ്സുകളില്‍ ചെല്ലുമ്പോള്‍ മുഖം മൂടി ധരിച്ചിരിക്കുന്ന കുട്ടികളെ കാണുമ്പോള്‍ വിഷമം തോന്നുന്നു ....സ്നേഹപൂര്‍വ്വം അവരോടു നിങ്ങളുടെ ഈ സുന്ദരമായ മുഖം ഞാന്‍ കണ്ടോട്ടെ എന്ന് പറയേണ്ടി വരുന്നു " ടീച്ചര്‍ കുറച്ചു കാലം മുന്‍പത്തെ കുട്ടികള്‍ ...

അല്ല കൂട്ടെ , അറിയാന്‍ മേലാഞ്ഞിട്ട് ചോദിക്കുവാ........നമ്മുടെ മല്ലു പെണ്‍കുട്ടികള്‍ക്ക് ഒന്നിനും നേരെ ചൊവ്വേ മലയാളം പറയാന്‍ അറിയില്ലെ ....... ചാനലിലയാലും ലൈവ് ഷോയിലായാലും ഒരു മല്ലു പെണ്ണിന്‍റെ നിറം കണ്ടിട്ടുണ്ടെങ്കില്‍ അവിടെ ഒരു മംഗ്ലീഷ് മഴ ഉറപ്പാ ....... ഒരു പ്രാദേശിക ചാനലിന്‍റെ ' ലൈവ് ഷോ' പരിപാടിയിലെ പെങ്കൊച്ചിന്റെ ' ലൈവ് കൊഞ്ചല്‍ കേട്ട എന്‍റെ സഹപ്രവര്‍ത്തകന്‍ അത്ഭുതത്തോടെ പറഞ്ഞത് ..യ്യോ തു നമ്മടെ കമലത്തിന്റെ മോളല്ലിയോ...ഈ കൊച്ചു ഇങ്ങനെ അല്ലാരുന്നല്ലോ സംസാരിക്കുന്നെ ...... അതാണ് ചേട്ടാ ചാനല്‍ മലയാളം .......ഇതിന്റെ ചേരുവകള്‍ ഇനി പറയുന്നതാണ് .... വള്ളുവനാടന്‍ സ്ലാന്ഗ് അര കപ്പ് + മംഗ്ലീഷ് തൊലിയുരിഞ്ഞത് മുക്കാല്‍ കപ്പ് + ശുദ്ധമായ വിവരക്കേട് ഒരു കപ്പ് + നല്ല തൊലിക്കട്ടി ഉള്ള ഒരു വനിതാ രത്നം മുഴുത്തത് ഒന്ന് ( വിദ്യാഭ്യാസം വേണമെന്നില്ല ) ഇത്രയുമാകുമ്പോള്‍ ഒരു' ഷോ ' ക്കുള്ള വിഭവമായി ........ ഇതിനെ നമുക്ക് ആവശയനുസരണം മ്യൂസിക്‌ ലൈവ് , ചാനല്‍ ചര്‍ച്ച , അഭിപ്രായ സര്‍വേ , കുക്കറി ഷോ , വനിതോധാരണം, സ്റ്റേജ് ഷോ തുടങ്ങി മനുഷേന്റെ ഷമയെ പരീഷിക്കാനുള്ള ഏതു സംഭവത്തിലും എടുത്തു ...

വീടാ കൂടാ എന്നൊരു വിചാരവുമില്ല ...... വെറുതെ ഇരിക്കുവാന്‍ ആരും പറഞ്ഞു കൊടുക്കണ്ട ..... തള്ളയുടെ ( ദേഷ്യം വരുമ്പോള്‍ അമ്മ തള്ളയായി മാറും ... തിര്വോന്തരത്ത് കാര് എന്തു ചെയ്യുമോ എന്തോ ) പരിവേദനം തുടങ്ങി ..... ഇന്നെന്താണാവോ വിഷയം .... നിന്നോട് എത്ര നാളായി പറയുന്നു തട്ടിന്‍ പുറത്തു കയറി ആ പൂച്ചക്കുഞ്ഞുങ്ങളെ എടുത്തു കളയാന്‍ .... ചെവി തല കേള്‍ക്കണ്ട ...... അപ്പോള്‍ അതാണ് വിഷയം ...... തട്ടിന്‍ പുറത്തു ഒരു മാര്‍ജ്ജാര സുന്ദരി കുടിയേറി യിട്ട് കുറെ നാളായി ... തട്ടും മുട്ടും ഉണ്ടെങ്കിലും മൂഷിക വീരന്മാരെ ഒതുക്കിയ അവള്‍ക്കു അമ്മ പ്രോത്സാഹനമായ് മീന്‍ തലയും മറ്റു വെസ്റ്റു കളും കൊടുക്കുമായിരുന്നു ..... ഇപ്പോള്‍ അവള്‍ ഒരമ്മ ആയിരിക്കുന്നു ... അവളുടെ കുഞ്ഞുങ്ങളുടെ കരച്ചിലാണ് ഇപ്പോഴത്തെ പ്രശ്നം ... കുഞ്ഞുങ്ങളുടെ കരച്ചിലല്ലേ .... ഒരമ്മയ്ക്കും കേട്ടിരിക്കാന്‍ പറ്റില്ല .... കരച്ചില്‍ അവസാനിപ്പിക്കാന്‍ പുറപ്പെട്ടു .... ഒരു ട്രപ്പീസു കളിക്കാരന്റെ മെയ് വഴക്ക ത്തോടെ തട്ടിന്‍ പുറത്തെത്തി .... കയ്യില്‍ ടോര്‍ച് വടി തുടങ്ങിയ മാരകായുധങ്ങള്‍ ...

ഞാന്‍ സന്തോഷ്‌ .... കൊല്ലം ജില്ലയിലെ നീണ്ടകര യാണ് ജന്മസ്ഥലം ... നോര്‍വെയ്ക്കാര് സംഭാവന ചെയ്ത ഫൌണ്ടേഷന്‍ ആശുപത്രിയിലാണ് ഭൂജാതനായത്‌ ..... ജന്മനാ അല്പം തൂക്കം കൂടുതലാരുന്നു (അത് തലക്കനം കൊണ്ടാണ് എന്ന് നാട്ടുഭാഷ്യം ) എന്നതൊഴിച്ചാല്‍ വേറെ അത്ഭുതങ്ങള്‍ ഒന്നും ഉണ്ടാരുന്നില്ല.... ശേഷം നാട്ടാചാര പ്രകാരം പഠനം ...വായിനോട്ടം ...ടൂട്ടോറിയല്‍ മാഷ് ...ജോലി തെണ്ടല്‍....ശേഷം ആരുടെയോ ഭാഗ്യത്തിന് സര്‍ക്കാര്‍ ജോലി ..... ഇപ്പൊ കല്യാണം കഴിഞ്ഞു !!!!! ഓര്‍ക്കുട്ടങ്ങളിലും മറ്റു കൂട്ടങ്ങളിലും കയറി ഇറങ്ങി നടക്കുകയാണ് .... വേറൊന്നുമല്ല !!! റോഡില്‍ കൂടി പോകുന്ന കോളേജ് ബസ്സിലേക്ക് നോക്കുംപോലൊരു രസം ... അല്ലാതെ രാഷ്ട്ര പുനര്‍നിര്‍മാണം ...സാമൂഹിക അവബോധം... സാഹിത്യചിന്ത ... തുടങ്ങിയ കുണ്ടാമണ്ടികളിലൊന്നും തലയിടാനല്ല..... വെറും വെറുതെ ....